საინფორმაციო ცენტრი
ნატოსა და ევროკავშირის შესახებ

ნატოს დღეების ფარგლებში, საინფორმაციო ცენტრი იწყებს ახალ პროექტს „ხაზზეა ნატო“. პროექტი ნატოს შტაბ-ბინიდან ნატოს ექსპერტებისა და მაღალი თანამდებობის პირების ონლაინ-კონფერენციებს ითვალისწინებს.

ნატოს დღეების ფარგლებში, დავით აღმაშენებლის სახელობის საქართველოს ეროვნული თავდაცვის აკადემიაში თავდაცვის მინისტრმა ლევან იზორიამ და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ იუნკერებს საჯარო ლექცია წაუკითხეს.

ნატოს დღეების ფარგლებში, გორის სახელმწიფო სასწავლო უნივერსიტეტში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ საჯარო ლექცია თემაზე: „საქართველოს ევროპული და ევროატლანტიკური ინტეგრაციის მნიშვნელობა“ გამართა. შეხვედრას სტუდენტები და პროფესორ-მასწავლებლები ესწრებოდნენ.

ნატოს დღეები აჭარაში სხვადასხვა მრავალფეროვანი ღონისძიებით აღინიშნა. საქართველოში ნატოს სამეკავშირეო ოფისის ხელმძღვანელი უილიამ ლაჰიუ და ადმინისტრაციის ხელმძღვანელი ხათუნა ხუციშვილი აჭარის რეგიონში დაგეგმილ ღონისძიებებს შეურთდნენ.

 

პროექტის "ჩართე ახალგაზრდების" ფარგლებში თეთრიწყაროს N1 და N2 საჯარო სკოლის მოსწავლეები სასწავლო ვიზიტით თბილისს ეწვივნენ. პროექტის ფარგლებში მოსწავლეები ნატოსა და ევროკავშირის შესახებ საინფორმაციო ცენტრს ესტუმრნენ, სადაც მათ ექსპერტმა ნიკა ჩიტაძემ ევროატლანტიკური ინტეგრაციის საკითხებზე ლექცია წაუკითხა. 

ნატოს დღეების ფარგლებში, თბილისის მუნიციპალიტეტის საკრებულოში საქართველოში ნატოს დღეების 10 წლის იუბილესადმი მიძღვნილი ღონისძიება გაიმართა. ღონისძიება საქართველოს პრეზიდენტმა გიორგი მარგველაშვილმა, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ, საგარეო საქმეთა მინისტრმა მიხეილ ჯანელიძემ, ნატოს სამეკავშირეო ოფისის ხელმძღვანელმა უილიამ ლაჰიუმ გახსნეს.

ნატოს დღეების ფარგლებში, სტუდენტებისთვის საქართველოს პარტლამენტში ღია კარის დღე მოეწყო. სტუდენტები საქართველოს პარლამენტის თავდაცვისა და უშიშროების კომიტეტის თავმჯდომარეს ირაკლი სესიაშვილს შეხვდნენ, რომელმაც ნატოს საპარლამენტო ასამბლეის სტრუქტურასა და მის როლზე, ასამბლეის და საქართველოს პარლამენტის ურთიერთობებზე, საქართველოს საპარლამენტო დელეგაციის მუშაობის თაობაზე ისაუბრა.