საინფორმაციო ცენტრი
ნატოსა და ევროკავშირის შესახებ

კონკურსი „შეNს ქალAქს დაუTOვე“ დასრულდა. კონკურსის ფარგლებში, ნატოს თემაზე საქართველოს 10 ქალაქში (თბილისი, გორი, ბათუმი, ზუგდიდი, ქუთაისი, თელავი, ახალციხე, რუსთავი, ოზურგეთი, მარნეული) წინასწარ შერჩეული ობიექტები მოიხატა.

ნატო-საქართველოს სახალხო დიპლომატიის ფორუმი გრძელდება. მეორე სამუშაო დღეს მონაწილეებს საქართველოს პრეზიდენტმა გიორგი მარგველაშვილმა მიმართა.

ნატოს დღეები სამცხე-ჯავახეთის რეგიონშიც აღინიშნა. ნატოს დღეების ფარგლებში, ახალქალაქის 1-ელ და მე-3 საჯარო სკოლებში  ნატო-საქართველოს ურთიერთობების შესახებ საინფორმაციო შეხვედრები ჩატარდა. შეხვედრას ესწრებოდნენ საჯარო სოლების უფროსკლასელები, მათ შორის ეთნიკური უმცირესობების წარმომადგენლები.

ნატოს დღეების ფარგლებში, 10 აპრილს, სასტუმროში „რედისონ ბლუ ივერია“ ნატო-საქართველოს სახალხო დიპლომატიის ფორუმმა დაიწყო მუშაობა. ფორუმი საქართველოს პრემიერ-მინისტრმა გიორგი კვირიკაშვილმა, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ და სახალხო დიპლომატიის საკითხებში ნატოს გენერალური მდივნის თანაშემწემ თაჯან ილდემმა გახსნეს.

პროექტის „ნატო რეგიონებში“ ფარგლებში ევროპულ და  ევროატლანტიკურ საკითხებზე მომუშავე ახალგაზრდული ორგანიზაციის წარმომადგენლები საქართველოს სხვადასხვა რეგიონს ესტუმრნენ და ადგილობრივი სკოლების უფროსკლასელებთან შეხვედრები გამართეს.

ნატოს დღეების ფარგლებში, გორის სასპორტო სკოლაში სპორტული ღონისძიება „მხიარული სტარტები“ გაიმართა, რომელშიც ერთმანეთს ადგილობრივი მედიისა და თვითმმართველობების წარმომადგენლები დაუპირისპირდნენ. მონაწილეები ნატოს თასისთვის იბრძოდნენ.

ნატოს დღეების  ფარგლებში, 4-დან 8 აპრილამდე ტურნირი ფებურთში „ნატოს თასი“ გაიმართა. ტურნირში საქართველოს მთავრობის წევრები, დიპლომატიური კორპუსისა  და წამყვანი მედია საშუალებების წარმომადგენლები მონაწილეობდნენ. 2017 წლის ნატოს თასისთვის 32 გუნდი იბრძოდა.

ნატოს დღეების ფარგლებში, საქართველოს შეიარაღებული ძალების გენერალური შტაბის უფროსის პირველმა მოადგილემ ნიკოლოზ ჯანჯღავამ ნატოსა და ევროკავშირის შესახებ საინფორმაციო ცენტრში სტუდენტებისთვის საჯარო ლექცია წაიკითხა.