უკვე 19 წელია ნატოსა და ევროკავშირის შესახებ საინფორმაციო ცენტრი, თბილისის ცენტრალური ოფისის და 10 რეგიონული წარმომადგენლობის საშუალებით, მთელი საქართველოს მასშტაბით ფუნქციონირებს. ჩვენს ძირითად სამიზნე აუდიტორიას წარმოადგენენ ახალგაზრდები, მასწავლებლები, ადგილობრივი ხელისუფლების წარმომადგენლები, სასულიერო პირები, მედია და სხვა. განსაკუთრებული ყურადღება ეთმობა, ასევე, მოსახლეობის იმ ნაწილს, რომელიც განსაკუთრებული ინფორმაციული გამოწვევების წინაშე დგას, კერძოდ, ენობრივი ბარიერი, საოკუპაციო ხაზთან ახლოს მდებარე და მაღალმთიან რეგიონებში მაცხოვრებლები და სხვა.

ცენტრი მთელი ქვეყნის მასშტაბით, ყოველწლიურად სამიზნე აუდიტორიის ინტერესებზე და საჭიროებებზე მორგებულ სხვადასხვა სახის 800-მდე  ღონისძიებას ახორციელებს.

გვჯერა, რომ ჩვენი მთავარი მისია – დასავლური ღირებულებების შესახებ ჩვენი მოსახლეობის ცნობიერების ამაღლება, სამოქალაქო საზოგადოების გააქტიურება და ამ პროცესებში მისი ჩართულობის ხელშეწყობა, ჩვენი ქვეყნის განვითარებაში მნიშვნელოვან წვლილს შეიტანს.

დასახული მიზნების განხორციელების პროცესში ჩვენ აქტიურად და ეფექტიანად ვთანამშრომლობთ საქართველოს მთავრობის, არასამთავრობო სექტორის, დიპლომატიური კორპუსისა და მედიის წარმომადგენლებთან.

ნატოსა და ევროკავშირის შესახებ საინფორმაციო ცენტრი 2005 წელს შეიქმნა. მისი დაარსების მიზანი საქართველოს ჩრდილოატლანტიკურ ორგანიზაციასთან (ნატო) ინტეგრაციის საკითხებზე მოსახლეობისათვის ამომწურავი, ობიექტური ინფორმაციის მიწოდება და ამით, მოსახლეობის გაცნობიერებული მხარდაჭერის მოპოვება იყო. 2013 წლიდან კი, ამ ამოცანას კიდევ ერთი მიმართულება დაემატა – ევროკავშირი და მის საინფორმაციო კამპანიასთან დაკავშირებული აქტივობები. ამ დროიდან მოყოლებული, მას ნატოსა და ევროკავშირის შესახებ საინფორმაციო ცენტრი ეწოდება.

საინფორმაციო ცენტრი წარმოადგენს საჯარო სამართლის იურიდიულ პირს, რომელიც 2017 წლიდან საგარეო საქმეთა სამინისტროს ექვემდებარება. ცენტრი საქართველოს პრეზიდენტის 2005 წლის 19 სექტემბრის N752 ბრძანებულობით შეიქმნა და საქმიანობას წარმართავს საქართველოს კონსტიტუციის, საერთაშორისო ხელშეკრულებებისა და შეთანხმებების, „საჯარო სამართლის იურიდიული პირის შესახებ“ საქართველოს კანონის, მისი დებულებისა და სხვა სამართლებრივი აქტების შესაბამისად.

ჩვენი ცენტრი მთელი საქართველოს მასშტაბით ფუნქციონირებს, აერთიანებს თბილისის ცენტრალურ და 10 რეგიონულ წარმომადგენლობას. გვჯერა, რომ დასავლური ღირებულებების შესახებ ჩვენი მოსახლეობის ცნობიერების ამაღლება, სამოქალაქო საზოგადოების გააქტიურება და ამ პროცესებში მისი ჩართულობის ხელშეწყობა, ჩვენი ქვეყნის განვითარებაში მნიშვნელოვან წვლილს შეიტანს. სწორედ ამიტომ, ვცდილობთ ჩვენი ხმა, თითოეულ მოქალაქემდე მივიტანოთ.

საინფორმაციო ცენტრი გთავაზობთ თანამედროვე, კომფორტულ და სრულად აღჭურვილ სივრცეებს თქვენი ღონისძიებების გასამართად.