Artıq 17 ildir ki, NATO Avropa İttifaqının İnformasiya Mərkəzi Tbilisidəki mərkəzi ofis və 10 regional ofis vasitəsilə Gürcüstan miqyasında fəaliyyət göstərir. Əsas hədəf auditoriyamız gənclər, müəllimlər, yerli hökumət nümayəndələri, din xadimləri, media və sairədir. Əhalinin xüsusi informasiya problemi ilə, özəlliklə də dil baryeri ilə üzləşən hissəsinə, işğal xəttinə yaxın və dağlıq rayonlarda yerləşən sakinlərə və digərlərinə xüsusi diqqət yetirilir.

Mərkəz ölkə miqyasında hədəf auditoriyasının maraq və ehtiyaclarına uyğunlaşdırılmış 800-ə qədər müxtəlif tədbir təşkil edir.

İnanırıq ki, əsas missiyamız – əhalimizin Qərb dəyərləri haqqında maarifləndirilməsi, vətəndaş cəmiyyətinin fəallaşdırılması və onun bu proseslərə cəlb olunmasının dəstəkləndirilməsi ölkəmizin inkişafına mühüm töhfə verəcək.

Qarşıya qoyulan məqsədlərin həyata keçirilməsi prosesində biz Gürcüstan hökumətinin, qeyri-hökumət sektorunun, diplomatik korpusun və medianın nümayəndələri ilə fəal və səmərəli əməkdaşlıq edirik.

NATO və Avropa İttifaqı haqqında İnformasiya Mərkəzi 2005-ci ildə yaradılıb. Onun yaradılmasında məqsəd Gürcüstanın Şimali Atlantika Təşkilatına (NATO) inteqrasiyası məsələləri ilə bağlı əhalini hərtərəfli, obyektiv maarifləndirmək və bununla da əhalinin düşüncəli dəstəyini qazanmaq idi. 2013-cü ildən isə bu məsələyə daha bir istiqamət əlavə edildi, – Avropa İttifaqı və onun informasiya kampaniyası ilə bağlı fəaliyyətlər. O vaxtdan bəri NATO və Avropa İttifaqı haqqında İnformasiya Mərkəzi adlanır.

İnformasiya Mərkəzi 2017-ci ildən Xarici İşlər Nazirliyinin tabeliyində olan ictimai hüquqlu hüquqi şəxsdir. Mərkəz Gürcüstan Prezidentinin 19 sentyabr 2005-ci il tarixli 752 saylı fərmanı ilə yaradılıb və öz fəaliyyətini Gürcüstan Konstitusiyasına, beynəlxalq müqavilə və sazişlərə, “ İctimai hüquqlu hüquqi şəxs haqqında” Gürcüstan Qanununa, onun əsasnaməsinə və digər hüquqi aktlara əsasən həyata keçirir.

Mərkəzimiz bütün Gürcüstan miqyasında fəaliyyət göstərir, Tbilisidəki mərkəzi ofisi və 10 regional nümayəndəliyi birləşdirir. İnanırıq ki, əhalimizin Qərb dəyərlərinə dair maarifləndirilməsi, vətəndaş cəmiyyətinin fəallaşdırılması və onun bu proseslərə cəlb olunmasının təşviqi ölkəmizin inkişafına mühüm töhfə verəcək. Buna görə də səsimizi hər bir vətəndaşa çatdırmağa çalışırıq.

İnformasiya Mərkəzi tədbirlərinizin keçirilməsi üçün müasir, rahat və tam təchiz olunmuş otaqlar təklif edir.