Արդեն 17 տարի է, ինչ ՆԱՏՕ-ի և Եվրամիության մասին տեղեկատվական կենտրոնը գործում է Վրաստանի ողջ տարածքում՝ Թբիլիսիի կենտրոնական գրասենյակի և 10 տարածաշրջանային գրասենյակների միջոցով։ Մեր հիմնական թիրախային լսարանը երիտասարդներ են, ուսուցիչներ, տեղական իշխանության մարմինների պաշտոնյաներ, հոգևոր անձինք, լրատվամիջոցներ և այլք: Հատուկ ուշադրություն է դարձվում նաև բնակչության այն հատվածին, որը բախվում է տեղեկատվական հատուկ մարտահրավերների, մասնավորապես՝ լեզվական խոչընդոտ ունեցող, օկուպացիոն գծի մոտ ապրող և լեռնային շրջաններում ապրող բնակիչներին և այլն։
Կենտրոնը տարեկան կազմակերպում է շուրջ 800 տարբեր միջոցառումներ՝ համապատասխանեցված թիրախային լսարանի հետաքրքրություններին և կարիքներին ողջ երկրում:

Մենք հավատում ենք, որ մեր հիմնական առաքելությունը՝ բարձրացնելով մեր բնակչության իրազեկվածությունը արևմտյան արժեքների մասին, ակտիվացնելով քաղաքացիական հասարակությունը և խթանելով նրա ներգրավվածությունը այդ գործընթացներում, նշանակալի ներդրում կունենա մեր երկրի զարգացման գործում։

Նախանշված նպատակների իրականացման գործընթացում մենք ակտիվ և արդյունավետ համագործակցում ենք Վրաստանի կառավարության, հասարակական հատվածի, դիվանագիտական առաքելությունների և լրատվամիջոցների ներկայացուցիչների հետ։

ՆԱՏՕ-ի և Եվրամիության մասին տեղեկատվական կենտրոնը ստեղծվել է 2005 թվականին։ Նրա ստեղծման նպատակն էր բնակչությանը համապարփակ, օբյեկտիվ տեղեկատվություն տրամադրել Հյուսիսատլանտյան կազմակերպությանը (ՆԱՏՕ) Վրաստանի ինտեգրման հարցերի վերաբերյալ և այդպիսով ստանալ բնակչության տեղեկացված աջակցությունը։ 2013 թվականից այս առաջադրանքին ավելացավ ևս մեկ ուղղություն՝ Եվրամիությունը և նրա տեղեկատվական արշավի հետ կապված գործունեությունը։ Այդ ժամանակվանից այն կոչվում է ՆԱՏՕ-ի և Եվրամիության մասին տեղեկատվական կենտրոն:

Տեղեկատվական կենտրոնը հանրային իրավունքի իրավաբանական անձ է, որը 2017 թվականից գտնվում է արտաքին գործերի նախարարության ենթակայության ներքո։ Կենտրոնը ստեղծվել է Վրաստանի նախագահի 2005 թվականի սեպտեմբերի 19-ի N752 հրամանագրով և իր գործունեությունն իրականացնում է Վրաստանի Սահմանադրությանը, միջազգային պայմանագրերին և համաձայնագրերին, «Հանրային իրավունքի իրավաբանական անձի մասին» Վրաստանի օրենքին, իր կանոնադրությանը և այլ իրավական ակտերին համապատասխան:

Մեր Կենտրոնը գործում է ողջ Վրաստանում, միավորում է Թբիլիսիի կենտրոնական գրասենյակը և 10 մարզային գրասենյակներ։ Մենք հավատում ենք, որ արևմտյան արժեքների մասին մեր բնակչության տեղեկացվածության բարձրացումը, քաղաքացիական հասարակության ակտիվացումը և այդ գործընթացներում նրա ներգրավվածությունը զգալի ներդրում կունենան մեր երկրի զարգացման գործում։ Դրա համար մենք փորձում ենք մեր ձայնը հասցնել յուրաքանչյուր քաղաքացու։

Տեղեկատվական կենտրոնն առաջարկում է ժամանակակից, հարմարավետ և լիովին կահավորված տարածքներ ձեր միջոցառումների անցկացման համար: