საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით, ევროატლანტიკური ინტეგრაციის საკითხებზე ონლაინ სემინარები ჩატარდა.

ლექციების ციკლი მიზნად ისახავს ადგილობრივი თვითმმართველობების წარმომადგენლებისთვის საქართველო- ნატოს თანამშრომლობის შესახებ ცოდნის გაღრმავებას. სტრატეგიული კვლევების ცენტრის დირექტორმა ირაკლი მენაღარიშვილმა 300-ზე მეტი მონაწილისთვის საქართველოს ევროატლანტიკური ინტეგრაციის საკითხებზე 6 ლექცია ჩაატარა. ონლაინ შეხვედრებზე მომხსენებელმა ვრცლად ისაუბრა ჩრდილოატლანტიკური ალიანსის მიზნებსა და ამოცანებზე. ყურადღება გამახვილდა საქართველო-ნატოს თანამშრომლობის მექანიზმებზე, ურთიერთობის კიდევ უფრო გაღრმავების პერსპექტივებსა და ამ მიმართულებით არსებულ გამოწვევებზე.

სემინარების ციკლი აშშ-ს სახელმწიფო დეპარტამენტის მიერ დაფინანსებული პროექტის „დასავლური ინტეგრაციის შესახებ ინფორმირებულობისა და ჩართულობის გაზრდა საქართველოს რეგიონებში“ ფარგლებში ჩატარდა და მისი მიზანია ქვეყნის ევროპული და ევრო-ატლანტიკური ინტეგრაციის პროცესების შესახებ რეგიონებში ეფექტიანი კომუნიკაცია.