04.10.23 – ქუთაისი

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრი, აკაკი წერეთლის სახელმწიფო უნივერსიტეტის ღია სივრცეში გამართულ სტუდენტურ ფესტივალში ჩაერთო.

ფესტივალი აერთიანებს საგანმანათლებლო სფეროში არსებულ ორგანიზაციებსა და პარტნიორ კომპანიებს, რომლებიც ფესტივალის მიმდინარეობის პროცესში მისულ სტუმრებს თავიანთ პროგრამებსა და აქტივობებს სთავაზობდნენ.

ფესტივალზე საინფორმაციო ცენტრის სტენდთან მისულ სტუმრებს შესაძლებლობა ჰქონდათ თემატურ ვიქტორინაში მიეღოთ მონაწილეობა. ვიქტორინაში 100-ზე მეტმა სტუდენტი ჩაერთო, ხოლო გამარჯვებულებს თემატური საჩუქრები გადაეცათ.

ფესტივალში, ასევე, დასაქმების ფორუმი, დასაქმების ხელშემწყობი და არასამთავრობო ორგანიზაციები, სამაგიდო თამაშების კლუბი, ფაბრიკული ლაბორატორია და სხვადასხვა ბიზნეს კომპანიები მონაწილეობდნენ.

ფესტივალს მუსიკალურად „4D Monster Lobsters” და “DJ Zapa” აფორმებდა.