11.04.23 – სოფელი კოთელია

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრისა და ახალქალაქის მუნიციპალიტეტის სოფელი კოთელიის საჯარო სკოლის ორგანიზებით, მოსწავლეების მშობლებთან საინფორმაციო შეხვედრა გაიმართა.

შეხვედრაზე საინფორმაციო ცენტრის წარმომადგენელმა სამცხე-ჯავახეთის რეგიონში თეონა ზურაბაშვილმა, საქართველოს ევროპული ინტეგრაციის პროცესზე, საქართველო-ევროკავშირს შორის არსებულ თანამშრომლობასა და სამომავლო პერსპექტივებზე ისაუბრა. ხაზი გაესვა ასოცირების შეთანხმებით ნაკისრ გარემოსდაცვითი ვალდებულებების შესრულების მნიშვნელობას.

შეხვედრის დასასრულს მონაწილეებს საინფორმაციო ცენტრის მიერ გამოცემული ლიტერატურა გადაეცათ.