02.04.24 – თბილისი

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრისა და Erasmus + საქართველოს ოფისის ერთობლივი ინიციატივით, Erasmus + პროგრამების შესახებ ვებინარი გაიმართა.

ვებინარს საინფორმაციო ცენტრის რეგიონული წარმომადგენლები და Erasmus + ოფისის კოორდინატორები ესწრებოდნენ.

შეხვედრა საინფორმაციო ცენტრის დირექტორის მოადგილემ, ირინა შამილაძემ გახსნა და ცენტრის საქმიანობის პრიორიტეტებსა და მიზნებზე გაამახვილა ყურადღება.

Erasmus + საქართველოს ოფისის კოორდინატორმა, მარიამ სულაშვილმა ვრცლად ისაუბრა Erasmus + პროგრამის მართვის, საერთაშორისო მობილობის შესაძლებლობებისა და პროგრამაში მონაწილეობის საშუალებების შესახებ.