საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ქვემო ქართლის ბიუროს ორგანიზებით მოწვეულმა ექსპერტმა კახა გოგოლაშვილმა და საინფორმაციო ცენტრის რეგიონულმა წარმომადგენელმა თემურ სუყაშვილმა ბოლნისის მუნიციპალიტეტის მერიის საკონფერენციო დარბაზში ახალგაზრდული და სახელოვნებო ჯგუფების წარმომადგენლებთან ევროპული და ევროატლანტიკური ინტეგრაციის საკითხებზე საინფორმაციო შეხვედრა გამართეს.

შეხვედრაზე განიხილეს შემდეგი თემები: რას წარმოადგენს ევროკავშირი, რატომ არის მიმზიდველი ის მსოფლიოსთვის, რა მიზნები აქვს ამ გაერთიანებას, ევროკავშირის შექმნისა და გაფართოების ისტორია, აღმოსავლეთ ევროპის ქვეყნების გაწევრიანება და სპეციალური კრიტერიუმების დაწესება, ასოცირების შეთანხმება და მისი მნიშვნელობა საქართველოსთვის.

პროექტი საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით, აშშ-ს სახელმწიფო დეპარტამენტისა და საქართველოში აშშ-ს საელჩოს მხარდაჭერით იმართება და მისი მიზანია ქვეყნის ევროპული და ევრო-ატლანტიკური ინტეგრაციის პროცესების შესახებ რეგიონებში ეფექტიანი კომუნიკაცია.