საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით ქალაქ რუსთავის მე-16 საჯარო სკოლის მოსწავლეებთან ონლაინ შეხვედრა გაიმართა.

შეხვედრის ძირითად თემას წარმოადგენდა ნატოსა და ევროკავშირის შესახებ გავრცელებული მითები. საინფორმაციო ცენტრის რეგიონულმა  წარმომადგენელმა  ქვემო ქართლში,  თემურ სუყაშვილმა მონაწილეებს  საქართველოს ევროპული და ევრო-ატლანტიკური ინტეგრაციის გზაზე მიღებული სიკეთეები, გატარებული რეფორმები და მიღწეული წარმატებები გააცნო.

შეხვედრის დასასრულს დისკუსიის ფორმატში მოსწავლეებმა განიხილეს საზოგადოებისა და მედიის მიერ, ნატოსა და ევროკავშირის შესახებ საქართველოში გავრცელებული მცდარი შეხედულებები.