საგარეო საქმეთა სამინისტროს ნატოსა და ევროკავშირის შესახებ  საინფორმაციო ცენტრის აჭარის ბიუროს ორგანიზებით ბათუმის მე-10 საჯარო სკოლის უფროსკლასელებისთვის ონლაინ სემინარი გაიმართა.

საინფორმაციო ცენტრის აჭარის რეგიონული ბიუროს წარმომადგენელმა ირმა გაბინაშვილმა, ახალგაზრდებს ევროკავშირის და ნატოს დაარსების, ფუქნციონირების, მიზნებისა და პრინციპების შესახებ მიაწოდა ინფორმაცია. შეხვედრაზე, განიხილეს ასოცირების ხელშეკრულების 6 წლის შედეგად მიღწეული  წარმატებები,  საქართველოს ევროპული ინტეგრაციის პროცესში  მიღებული სარგებელი და პერსპექტივები,   საქართველო-ევროკავშირს შორის არსებული ურთიერთობები, ასოცირების ხელშეკრულებით  ნაკისრი ვალდებულებები და შედეგები.  ყურადღება გამახვილდა  ვიზალიბერალიზაციით გახსნილ სხვადასხვა შესაძლებლობაზე,  ევროკავშირის მიერ დაფინანსებულ საგანმანათლებლო  პროგრამებზე. საუბარი აგრეთვე შეეხო,  ანტი-დასავლური პროპაგანდის საფრთხეებს, მითებსა და რეალობას.