27.10.23 – ქუთაისი

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ინიციატივით, ქუთაისის საჯარო ბიბლიოთეკაში საინფორმაციო შეხვედრა გაიმართა.

შეხვედრას ქუთაისის საბიბლიოთეკო გაერთიანების კულტურის სამსახურის წარმომადგენელები ესწრებოდნენ.

შეხვედრაზე საინფორმაციო ცენტრის წარმომადგენელმა იმერეთის რეგიონში მარიკა ვაჭარაძემ, მონაწილეებს ცენტრის საქმიანობა, მისია და პროექტები გააცნო.

მოწვეულმა ექსპერტმა, საქართველოს ეროვნული უსაფრთხოების საბჭოს აპარატის თავდაცვის საკითხთა დეპარტამენტის უფროსმა მრჩეველმა ნათია გვენეტაძემ, მონაწილეებს ნატო-საქართველოს ურთიერთობებზე, ნატოს გაფართოების და გაწევრიანების ეტაპებზე მიაწოდა ინფორმაცია. ასევე, განხილული იქნა სამშვიდობო მისიები და ის პროგრამები, რომელსაც ნატო საქართველოსთან პარტნიორობის ეტაპზე ახორციელებს.

შეხვედრა ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის „საზოგადოების ინფორმირებულობისა და მედეგობის გაზრდა“ ფარგლებში იმართება, რომელსაც საინფორმაციო ცენტრი ნატოსა და ევროკავშირის შესახებ, საქართველოში ამერიკის შეერთებული შტატების საელჩოსთან ერთად ახორციელებს.