11.10.23 – ქუთაისი

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრმა, ქუთაისის N23 საჯარო სკოლის დირექციასთან თანამშრომლობით, სკოლის მოსწავლეებსა და სამოქალაქოს საგნის პედაგოგებთან, საინფორმაციო შეხვედრა გამართა.

შეხვედრაზე ცენტრის წარმომადგენელმა იმერეთის რეგიონში მარიკა ვაჭარაძემ, მოსწავლეებს ცენტრის საქმიანობა, მიზნები და მიმდინარე პროექტები გააცნო. ისაუბრა სამაგიდე თამაშზე EU&NATO, რომელიც სკოლას პროექტის „ახალგაზრდების ინფორმირებულობა ჩართულობის გზით“ ფარგლებში საჩუქრად გადაეცემა.

შეხვედრაზე მარიკა ვაჭარაძემ თემატური პრეზენტაცია წარადგინა, ნატოს შექმნის ისტორიაზე, გაფართოებაზე, ევროკავშირში გაწევრიანების ეტაპებზე, კანდიდატის სტატუსსა და უვიზო მიმოსვლის საკითხებზე. ყურადღება გამახვილდა იმ მნიშვნელოვან თარიღებზე, რომელიც დასავლური ინტეგრაციის პროცესში საქართველოს ნატოსა და ევროკავშირთან აკავშირებს.

პრეზენტაციის დასრულების შემდეგ სამაგიდე თამაში ორმა გუნდა ითამაშა, რომელსაც მოდერატორობას ცენტრის სტაჟიორთან ნინა მიქიაშვილთან ერთად პროექტის მენეჯერი მარიამ რობაქიძე უწევდა.

პროექტი „ახალგაზრდების ინფორმირებულობა ჩართულობის გზით“ ქ.ქუთაისის მუნიციპალიტეტის მერიის „ახალგაზრდული ინიციატივების მხარდაჭერის პროგრამის“ ფარგლებში დაფინანსდა, რომელსაც ორგანიზაცია რეგიონული ინიციატივების ცენტრი „ნათელი მომავალი“ ახორციელებს. პროექტის პარტნიორია საინფორმაციო ცენტრი ნატოსა და ევროკავშირის შესახებ.