საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის კახეთის რეგიონული ბიუროსა და საქართველოს სტუდენტური პარლამენტის ჯანდაცვის კომიტეტის ორგანიზებით ევროპული და ევროატლანტიკური ინტეგრაციის საკითხებზე სტუდენტური პარლამენტის საგარეო ურთიერთობათა კომიტეტის წევრებთან ონლაინ შეხვედრა გაიმართა.

შეხვედრაზე საინფორმაციო ცენტრის კახეთის რეგიონული ბიუროს წარმომადგენელმა ბექა ექსეულიძემ ევროპულ ღირებულებებზე, დასავლურ ინსტიტუტებზე, საქართველოს ევროპული და ევროატლანტიკური ინტეგრაციის პროცესსა და ამ მხრივ მიღებულ სარგებელზე ისაუბრა.

შეხვედრა აშშ-ს სახელმწიფო დეპარტამენტის მიერ დაფინანსებული პროექტის “დასავლური ინტეგრაციის შესახებ ინფორმირებულობისა და ჩართულობის გაზრდა საქართველოს რეგიონებში“ფარგლებში გაიმართა. პროექტს საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრი საქართველოში აშშ-ს საელჩოს მხარდაჭერით ახორციელებს, რომლის მიზანია ქვეყნის ევროპული და ევრო-ატლანტიკური ინტეგრაციის პროცესების შესახებ რეგიონებში ეფექტიანი კომუნიკაცია.