14.06.22 – დუშეთი

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით, ქალაქ დუშეთის ცენტრალურ პარკში, მცხეთა-მთიანეთის ორგანიზაციებთან ერთად საინფორმაციო შეხვედრა და გამოფენა გაიმართა.

შეხვედრაზე ნატოსა და ევროკავშირის შესახებ საინფორმაციო ცენტრის სივრცე მოეწყო. ასევე, საინფორმაციო ცენტრის წარმომადგენელი მცხეთა-მთიანეთის რეგიონში ყარამან ბერიძე, მონაწილეებს საქართველოს ევროკავშირთან თანამშრომლობის პროცესებზე ესაუბრა.

შეხვედრის დასასრულს მცირე ვიქტორინა ჩატარდა და გამარჯვებულებს საინფორმაციო ცენტრის საიმიჯო მასალები გადაეცათ.