23.12.22 – ბათუმი

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრმა, ბათუმის ქართულ-ამერიკული სკოლის მიერ მომზადებულ შემეცნებითი ღონისძიებაში მიიღო მონაწილოება.

საინფორმაციო ცენტრის წარმომადგენელმა აჭარის რეგიონში ირმა გაბინაშვილმა, მსმენელებს ევრო-ატლანტიკური ინტეგრაციის პროცესის მნიშვნელობაზე, თანამდევ ეტაპებსა და გამოწვევებზე მიაწოდა ინფორმაცია. ყურადღება გამახვილდა ნატო-საქართველოს ურთიერთობებსა და სამომავლო პერსპექტივებზე.

ღონისძიების მონაწილეებმა წარმოადგინეს ნატო-ს საქმიანობის თემატიკაზე მომზადებული სხვადასხვა ფორმატის პრეზენტაციები და დებატების ფორმატში იმსჯელეს აქტუალურ საკითხებზე.

ბათუმის ქართულ-ამერიკული სკოლის სამოქალაქო განათლების პედაგოგმა თინათინ ხინიკაძემ, ახალგაზრდების სხვადასხვა პროექტებში ჩართულობაზე ისაუბრა და სამომავლოდ, საინფორმაციო ცენტრთან კიდევ უფრო მჭიდრო თანამშრომლობის სურვილი გამოთქვა.