25.04.23 – ახალქალაქი

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ჩართულობითა და ნინოწმინდის მუნიციპალიტეტის ახალგაზრდული ცენტრის ორგანიზებით, სამცხე-ჯავახეთის ოფისს ახალგაზრდული ცენტრის ეთნიკური უმცირესობების წარმომადგენელი ახალგაზრდები ეწვივნენ.

შეხვედრაზე საინფორმაციო ცენტრის წარმომადგენელმა სამცხე-ჯავახეთის რეგიონში თეონა ზურაბაშვილმა, მონაწილეებს საინფორმაციო ცენტრის საქმიანობა და მიმდინარე პროექტები გააცნო. საუბარი შეეხო ნატო-საქართველოსა და ევროკავშირი-საქართველოს ურთიერთობების დინამიკასა და სამომავლო პერსპექტივებს. მონაწილეებმა, აგრეთვე, ინფორმაცია მიიღეს ევროკავშირის საგანმანათლებლო პროგრამის ERASMUS + შესაძლებლობებზე.

შეხვედრა დისკუსიის რეჟიმში მიმდინარეობდა.

შეხვედრის დასასრულს მონაწილეებს საინფორმაციო ცენტრის მიერ გამოცემული სომხურენოვანი ლიტერატურა გადაეცათ.