28.03.24 – ზუგდიდი

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით, ზუგდიდის ამერიკულ კუთხეში ევროატლანტიკური ინტეგრაციის საკითხებზე საჯარო შეხვედრა გაიმართა.
შეხვედრას სტუდენტები, მოსწავლეები და სამოქალაქო სექტორის წარმომადგენლები ესწრებოდნენ.

შეხვედრას მოდერაცია საინფორმაციო ცენტრის წარმომადგენელმა სამეგრელო-ზემო სვანეთის რეგიონში ანა ცანავამ გაუწია, რომელმაც ცენტრის მიზნებსა და საქმიანობაზე ისაუბრა.

მოწვეულმა ექსპერტმა, საგარეო საქმეთა სამინისტროს უსაფრთხოების პოლიტიკისა და ევრო-ატლანტიკური ინტეგრაციის დეპარტამენტის დირექტორმა თორნიკე ფარულავამ, ევროატლანტიკური ინტეგრაციის და უსაფრთხოების პოლიტიკის აქტუალურ საკითხებზე ისაუბრა.

შეხვედრა ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის „საზოგადოების ინფორმირებულობისა და მედეგობის გაზრდა“ ფარგლებში გაიმართა, რომელსაც საინფორმაციო ცენტრი ნატოსა და ევროკავშირის შესახებ, საქართველოში ამერიკის შეერთებული შტატების საელჩოსთან ერთად ახორციელებს.